Dende o CMDC Breogán de O Grove estamos a poñer en marcha iniciativas de cara a poder facer fronte aos importantes gastos que supón ter que pagar as viaxes e estancias dos nos@s deportistas nos distintos Campionatos de Europa e Campionatos do Mundo nos que están a tomar parte como Selección Española. Estes gastos, que a Federación española non afronta, obriga a que os clubs sexan os que teñan que afrontar estes importantísimos gastos, que ao Breogán lle supón arredor dos 6.000 €, cartos cos que non contábamos.
Jacobo Domínguez, Natalia García, Tono Campos e Diego Romero (algúns deles en dúas ocasións) son os nosos deportistas aos que nós mesmos temos que “patrocinar” para que participen como Selección Española.
Unha nova actividade que estamos traballando para poñer en marcha, é unha xornada de recollida de fondos, baixo o lema de “O Grove cos seus deportistas internacionais”. Esta actividade vai consistir nunha xornada lúdico-festiva para tratar de recoller fondos que nos axuden a sufragar estes gastos que están a poñer nunha situación moi difícil a economía da nosa entidade.
O día de celebración desta “festa” será o sábado día 12 de xullo, no acceso do Pavillón de Deportes Náuticos e os seus arredores. Este día coincide co inicio das Festas do Carme, polo que nos puxemos en contacto con eles para informalos da nosa intención e deron o seu beneplácito para este evento.
Estamos a traballar a marchas forzadas na súa organización pola faltade tempo, e nesta xornada poderemos contar cos Xogos Populares, piraguas de paseo, pretendemos facer unha festa da escuma, etc; todo isto con achegas voluntarias polo seu uso.
Tamén queremos vender sardiñas, refrescos, ter algunha actuación voluntaria, pero nisto aínda estamos a traballar. Así mesmo pretendemos ter unha especie de poxa-venda-sorteo, que realizaremos con produtos que nos doen comercios, restaurantes, empresas, artistas locais, etc.Para esta actividade solicitamos a colaboración dos que estean interesados en colaborar coa causa,úa achega ou poñerse en contacto con nós. Tamén aceptamos doazóns económicas para este fin.
Xa contamos coa confirmación dalgunha destas colaboracións, dende mariscadas, masaxes, produtos para vehículos, material do fogar, etc. Segundo vaiamos pechando temas e confeccionando o programa, iremos informando.