A Xunta Directiva da Federación Galega de Piragüismo, celebrada no día de onte, acordou que a XII Travesía da Toxa-XXIX Trofeo Concello de O Grove de Piragüismo, sexa este ano Campionato Galego de Travesías.
Esta será a primeira vez que se celebre este campionato, xa que ata o de agora era Campionato Galego de Ríos e Travesías. Pero este ano presentáronse dúas peticións para a organización deste autonómico, do Descenso do Sil e da Travesía da Toxa. Por este motivo, a Xunta Directiva da F.G.P. acordou conceder o Campionato Galego de Ríos ao Descenso do Sil, e o Campionato Galego de Travesías á Travesía da Toxa, dividindo o campionato por primeira vez na historia.