Alén de todas as competicións nas que estarán presentes @s nos@s padexeir@s, durante o sábado, nos aledaños do Pavillón de Deportes Náuticos, teremos a Xornada de Captación de Fondos “O GROVE COS SEUS DEPORTISTAS INTERNACIONAIS”, de cara a sufragar os gastos dos nosos deportistas nas súas asistencias a Campionatos de Europa e Campionatos do Mundo.
Durante esta xornada os asistentes poderán participar en sorteos de productos donados polo comercio local para a causa, haberá festa da escuma e sardiñada, teremos música e DJ, piraugas de paseo, Xogos Populares, etc… Temos un “festón” organizado para conseguir poder seguir axudando aos nosos padexeir@s xa que a Real Federación Española de PIragüismo, entidade coa que compiten e representan, non afronta os seus gastos nas competicións internacionais ás que asisten.
Esta xornada lúdico-deportiva estenderase dende as 11:00h ata as 20:00h do sábado, nas inmediacións do Pavillón de Deportes Náuticos.
Anímate e achégate!!
O tempo vai acompañar, acompáñanos ti tamén.
