Dende o CMDC Breogán de O Grove estamos a poñer en marcha iniciativas de cara a poder facer fronte aos importantes gastos que supón ter que pagar as viaxes e estancias dos nos@s deportistas nos distintos Campionatos de Europa e Campionatos do Mundo nos que están a tomar parte como Selección Española. Estes gastos, que a Federación española non afronta, obriga a que os clubs sexan os que teñan que facer estes importantísimos gastos, que ao Breogán lle supón arredor dos 6.000 €, cartos cos que non contábamos e pon gravemente en risco a actividade diaria da entidade.
Jacobo Domínguez, Natalia García, Tono Campos e Diego Romero (algúns deles en dúas ocasións) son os nosos deportistas aos que nós mesmos temos que “patrocinar” para que participen como Selección Española.
“O GROVE COS SEUS DEPORTISTAS INTERNACIONAIS”
Este sábado poñemos en marcha unha nova e importante actividade, na que temos posta moita ilusión. Trátase dunha xornada lúdico-festiva que servirá para a captación de fondos, que denominamos “O Grove cos seus deportistas internacionais”.
Esta xornada, que se desenrolará no acceso o Pavillón de Deportes Náuticos, terá un horario de 11 da mañá ata as 20 horas do sábado día 12 de xullo, e na mesma teremos Xogos Populares (uns 40), Festa da Escuma (as 12,30 h.), Piraugas de paseo (as 17,00 h.), Música e DJs, Sorteos e Sardiñada.
Tratamos de facer un evento que fose atractivo para todos, tanto pequenos como maiores, para que colaboren con nós nesta captación de fondos, poñendo diversas formas de aportar as axudas que estimen convintes.
Os Xogos Populares e as Piraugas de paseo, poderanse usar a “gusto do consumidor”, podendo facer aportacións voluntarias pola súa utilización.
Nos sorteos faremos diversas formas de sorteo dos productos que amablemente nos aportaron os comerciantes de O Grove, que se portaron maravillosamente con nós. Case a totalidade dos establecementos que visitamos donaron productos para a causa e temos que confesar que non visitamos máis por falta de tempo. Aproveitamos para agradecerlles unha vez máis a súa importante colaboración. Contamos cunha gran variedade de productos: reloxos, mariscadas, cuadros, productos do fogar, etc.
Estes productos estarán expostos e os visitantes tamén os poderán adquirír se están interesados nos mesmo, antes de que salgan a sorteo.
E logo, tamén esta prevista unha sardiñada, coa intención de vender uns lotes de sardiñas, empanada e refrescos, para seguir recaudando algo que nos axude a afrontar as viaxes dos nosos deportistas aos Campionatos de Europa e do Mundo.
Tamén queremos agradecer á Comisión das Festas do Carme, por no poñer impedimento en que puxeramos en marcha esta actividade o día de inicio das festas, e tamén agradecemos a colaboración recibida da Concellalía de Deportes e a Concellalía de Seguridade Cidadá.
Agardamos contar cunha gran asistencia. que veñades a pasalo ben e colaborar con nós nesta actividade. Nós, mentres tanto seguiremos traballando polos nosos deportistas…, xa estamos a preparar outras accións para a recadación de fondos con actividades das que xa vos iremos informando.