Nesta liga, dirixida a deportistas das categorías infantil e alevín, podemos dicir que o Breogán amosou dúas caras: a da categoría cadete, na que estivemos bastante frouxos; e a da categoría infantil, na que se obtiveron bos resultados.
Cinco competicións puntuaron para esta Liga e nas dúas da categoría cadete os resultados non foron bos. Con todo, no Campionato de España de Pista no que compiten cadetes e infantís, o resultado foi aceptable ao rematar no posto 16º, sendo os mellores resultados onde só participou a categoría infantil con dous cuartos postos (Campionato de España de Infantís e Copa de España de Infantís).
O resultado final da liga levounos o posto 19º, mellorando seis postos a clasificación da liga anterior. Ademais, imos polo bo camiño, sentando as bases para seguir mellorando nos vindeiros anos, pois un bo número dos membr@s do equipo infantil, a ano que ven soben á categoría cadete.
A nivel de clubs galegos, fomos o sexto clasificado nesta liga nacional, empatados a 373 puntos con Pontecesures que foi vixésimo; sendo Portonovo 18º con 375 puntos e Verducido 17º con 376 puntos.