Outro ano máis, o C.M.D.C. Breogán achegou o seu pequeno gran de area ao Nadal grovense. Con motivo da celebración da Cabalgata de Reis do 2015, o noso club estivo involucrado na confección e preparación de dúas carrozas: elaborando por completo unha carroza propia do club, e colaborando na confección dunh das carrozas do Concello do Grove.
A primeira delas, a carroza do Breogán, tratábase dunha representación do castelo do Rei Herodes, na que viaxaron varios rapaces e rapazas repartindo caramelos vestidos da época para a ocasión.
Pero a contribución do club á cabalgata de Reis meca non quedou aí. Ademais de presentar unha carroza propia, varios membros do club colaboraron na elaboración dunha das carrozas do Concello, que este ano tiña como protagonistas a uns bonecos xa coñecidos por varias xeracións: os Picapedra.
Dende o Breogán, agardamos que os traballos que fixemos con tanto gusto e agarimo foran do agrado tanto de pequenos como de maiores, contribuíndo a facer que estas datas sexan, se cabe, máis especiais.
Castelo de Herodes do Breogán
Carroza dos Picapedra, Concello do Grove
