Na tarde de onte, domingo, disputouse unha regata amistosa o II Trofeo San Roque de Piragüismo en Portonovo, regata dirixida as categorias de promoción: infantís, alevíns e benxamíns.
Os nos@s padexeir@s colgáronse un total de sete medallas nesta regata, onde destaca o triplete do K-1 muller alevín «B», onde Carme Devesa, Valeria Oliviera e Yolanda Oliveira se fixeron coas tres primeiras posicións.
Lucía Devesa non quixo ser menos que a súa irmá Carme e, impúxose no K-1 muller infantil «B»; Jose Couso era segundo no C-1 home infantil «B», onde o seu compañeiro Aarón Castro se facía co terceiro posto.
Iván Meis colgábase a Medalla de Prata no C-1 home infantil «A».
